Policia e Tiranës ka vënë në pranga shtetasin Lulzim Kusi, xhaxhai i Griseldo dhe Albano Kusi të cilët më 22 gusht vranë Indrit Çelën.
Xhaxhai i tyre, Lulëzim Kusi, u arrestua nga Policia, pasi gjatë kontrollit që është ushtruar nga policia në banesën e tij, atij iu gjet një armë zjarri pa leje e llojit kallashnikov.
Vëllezërit Kusi dyshohet se u fshehën në shtëpinë e xhaxhait të tyre pas krimit, teksa ende jane ne arrati.
Pavarësisht kërkimeve në të gjithë Shqipërinë, nuk është arritur që të zbulohet asnjë gjurmë e tyre. Nga gjurmimi i telefonave të tyre, sinjali i fundit ka ardhur nga rrethinat e Korçës.
Policia ushtroi një kontroll në një banesë që ndodhet në kodrat e fshatit Allgjatë, që rezulton në pronësi të xhaxhait të ndjerë të vëllezërve Kusi, ku dyshohej se ata ishin strehuar pas vrasjes.
Aty u gjet një armë automatike, që u sekuestrua në cilësinë e provës materiale, edhe pse nuk rezulton të jetë arma e krimit.
g.kosovari
