Rusia ka në plan të rikthej sërish në Ukrainë njësinë që kreu krimet e rënda në Bucha, kështu është shprehur inteligjenca ukrainase.
Mësohet sipas inteligjencës ukrainase se arsyeja kryesore e rikthimit të kësaj njësive, është që Rusia të frikësojë banorët me krimet e rënda që kryen.
Ndërkaq bëhet me dije se një prej arsyeve është gjithashtu se komanda ruse dëshiron të heq qafe të gjithë “dëshmitarët e panevojshëm” të krimeve të luftës.
Kujtojmë se njësia e tmerrshme e Rusisë është evidentuar për herë të parë pas një sulmi të rëndë të ndodhur në një prej qyteteve të Ukrainës, Bucha ku një varr masiv është evidentuar.
Sipas raportimeve paraprake varri kishte brenda rreth 400 civilë të vrarë dhe masakruar nga forcat ushtarake ruse.
Ndër të tjera bëhet me dije se kjo njësi më 4 prill u largua nga Ukraina duke kaluar në Bjellorusi, ku është vendosur në afërsi të qytetit Moyzir. Plani është që kjo njësi pas vetëm dy ditë “pushim” të futet në vijën e frontit në periferi të Kharkivit.
/b.h
