20 persona u vranë në një restorant në Daka pak ditë më parë, sepse nuk dinin vargje e pasazhe nga libri i shenjtë i Kuranit. 7 terroristët që kryen masakrën, rezultojnë të kenë qenë persona të arsimuar të cilët vinin nga familje të pasura. Ky është përfundimi në të cilin ka dalë policia e Bangladeshit.
Autoritetet bënë të ditur gjithashtu se 5 prej tyre ishin arrestuar disa kohë më parë nën dyshimet se kishin lidhje me grupe ekstremiste, por, më pas janë lënë të lirë.
I pyetur përse të rinj të arsimuar e të pasur bëhen pjesë e ISIS, ministri i brendshëm në Bangladesh u përgjigj: “Është kthyer në modë”.
20 personat e vrarë ndodheshin në një restorant që frekuentohej nga të huajt, në afërsi të ambasadës italiane./java/a.k
