Kreut të AKR-së Behgjet Pacollit i kanë dalë telashe dje, pasi premtoi votën e AKR-së për qeverinë Kurti gjatë fjalimit në Kuvend. Për këtë, ai ka marrë një sms nga presidenti i Kosovës.
Mediat kanë “përgjuar” telefonin e Pacollit në Kuvend. Më saktë kanë arritur të incizojnë një këmbim sms-sh të kreut të AKR-së me presidentin e Kosovës Hashim Thaçi.
Në tekst, Pacolli është justifikuar për votën e premtuar duke shkruar… “thika, e asnjëherë kur je ti në pyetje.
Vota për ta është e paevitueshme exhe (edhe), pa votën time” ka shkruar Pacolli.
Kreu i AKR-së ka raporte të afërta me presidentin Hashim Thaci, duke qenë edhe pjesë e koalicioneve të përbashkëta qeveritare.
Telefoni i Pacollit kishte qenë edhe një herë në fokus të mediave pikërisht kur ai po zgjedhej president në një seancë plotë tensione në vitin 2010 e cila më vonë u shpallë antikushtetuese.
Në atë kohë Pacolli kishte komunikuar me këshilltarin e tij Esad Puskar i cili për zgjedhjen së Pacollit po komunikonte me ambasadorin amerikan.
