Një ndryshim në ligjin për organet qeverisëse të sistemit të drejtësisë, ve edhe një herë në provë unitetin e opozitës dhe e ekspozon atë ndaj rrjedhjes së votave. Ndryshimet në ligj u prezantuan sot në komisionin e ligjeve dhe synojnë që të hapin pranimet e reja në shkollën e magjistraturës, si dhe emërimin e gjyqtarëve e prokurorëve të rinj nga KLD dhe Prokurori i Përgjithshëm.
Këto ndryshime kërkojnë 84 vota, por PS bashkë me PDIU dhe Tom Doshin ka vetëm 78 vota, ndaj i duhen dhe 6 nga opozita PD- LSI. Në komision Nasip Naço tha se do të votonte edhe kundër vendimit të grupit të tij politik të LSI-së, vetëm pranimet e reja në shkollë, po asnjëherë që KLGJ dhe Arta Marku të mund të emërojnë 16 magjistratë në qershor.
Hedhja e kësaj nisme në votim në parlament është një test me rëndësi për LSI-në, disa deputetë të së cilës kanë shfaqur herë pas here flirte me mazhorancën. Miratimi i këtij projektligji nen për nen u shty për në mbledhjen tjetër.
ma.me/javanews.al
