Përfaqësuesja e Shqipërisë në Eurovision, Elhaida Dani, ka shkëlqyer në natën gjysmë finale të festivalit europian të këngës.
Ajo pati një performancë që u vlerësua shumë mirë nga kritika vendase dhe mediat e huaja. Jehona e këngës dhe vokalit të Elhaidës ka bërë që rrjetet sociale të ziejnë nga komentet për këngës.
Ajo që ra në sy që në fillim të publikimit të këngës, ishte fakti që kënga e Elhaidës “I’m Alive” ishte e para me klikime në youtube e Eurovision me 4,075,692 klikime.
Por përpos këtyre fakteve domethënëse dhe vlerësimit të jurisë së Eurovision, sa shanse ka Elhaida që vërtetë që të ngrejë flamurin kombtar në qiellin austriak dhe në televizionet e mbarë botës duke rrëmbyer çmimin e madh?
Një analizë e trendit të votimeve që bëjnë shtetet në në Eurovision, na bën të kuptojmë më mirë se sa janë realisht mundësitë që Elhaida të triumfojë. Sipas të dhënave të Eurovision, shtetet votojnë për këngëtarët që përfaqësojnë shtetet më lidhje kombësie dhe feje. Pra, nordikët votojnë nordikët, grekët votojnë qipriotët, turqët votojë republikat e Kaukazit, latinët votojnë latinët, sllavët votojnë sllavët e kështu me radhë. Kjo tanimë është traditë.
Por ndryshe flasin shifrat në Internet. Në faqen zyrtare të Eurovision ka një dyndje të komenteve pro Shqipërisë, pro Elhaida.
Më anë të një kërkimi që JavaNews.al bëri në faqen zyrtare të Eurovision, doli në përfundimin se emri “Albania” dhe “Elhaida” është përmendur mbi 15 mijë herë. Kjo flet për një mbështetje të jashtëzakonshme dhe një pëlqim të madh të këngës dhe interpretimit.
Elhaida Dani do performojë në finalen e Eurovision e 26-ta, numër i cili do të jetë edhe numri nga ku çdo shqiptar që jëton jashtë vendit mund të votojë që Elhaida t’ja dalë.
Shënim: Shqiptarët brenda Shqipërisë nuk mund të votojnë për Elhaidën, ndërkohë mund të votojnë për Elhaidën nga këto shtete: “Moldavia, Armenia, Belgjika, Hollanda, Fiunlanda, Greqia, Estonia, Maqedonia, Serbia, Hungaria, Bjellorusia, Rusia, Danimarka, Romania, Gjeorgjia, Spanja, Austria, Franca dhe Australia.”
Mund të votohet më shumë se një herë, ndaj vota e secilit që është jashtë Shqipërisë mun dtë bëjë diferencën.
Ne besojmë se Elhaida do ja dalë, mëe bashkimin e të gjithëve krah saj.