Pas ShBA dhe BE, edhe ambasada gjermane në vendin tonë ka përshëndetur votimin nga ana e Kuvendit të 2 anëtarëve të Gjykatës Kushtetuese, Elsa Toska dhe Fjona Papajorgji.
Në një deklaratë për mediat Ambasadori Peter Zingraf përshëndeti vendimin e sotëm të Parlamentit, ndërsa shtoi se Bundestag-u e ka theksuar se sa e rëndësishme është rivendosja në funksionalitet e Gjykatës Kushtetuese edhe për procesin e përafrimit të Shqipërisë me BE-në.
“Në rrugën drejt një Gjykate Kushtetuese funksionale është e rëndësishme, që të gjithë aktorët të marrin përgjegjësitë e tyre në emërimin e gjykatësve kushtetues dhe të mos humbin fokusin. Ne përshëndesim vendimin e sotëm të parlamentit shqiptar”, thuhet në deklaratën e ambasadorit Zingraf të postuar në faqen zyrtare të Ambasadës në “Facebook”.
Gjermania, shton Ambasadori, do të vazhdojë ta mbështesë Shqipërinë në përforcimin e drejtësisë dhe shtetit ligjor.
g.kosovari
