Demokratët kanë nisur një proces të rëndësishëm brenda degëve që prej nisjes së muajit gusht.
Anëtarësia propozon emrat e kandidatëve për deputetë, komisioni bën vlerësimin dhe tanimë sërish degët votojnë emrat që kanë kaluar fazat e mëparshme.
Radhën për të zhvilluar procesin e votimit e kishte sot Partia Demokratike në Durrës dhe kandidatët e propozuar atje.
Por ndryshe nga qarqet e tjera, në Durrës ka ndodhur një tjetër “incident”. Nga 27 kandidatë për të cilët njoftoi dje zyrtarisht dega e Partisë Demokratike në këtë qark, sot pas votimit numri është rritur në 28.
Pra hyjne ne votim 27 kandidate dhe fitojne 28 kandidate. Vetem ne PD ndodh kjo! Aritmetika e Lulit ka nisur te jape rezultate dhe ne baze!
Por kush është kandidati i minutës së fundit?
Dosja.al ka vëzhguar procesin në Durrës dhe ka parë se emri i shtuar nga PD e qarkut është Enri Çeno. Çeno, djali i ish-gjyqtarit të Apelit Durrës, Petrit Çeno, i njohur gjerësisht për disa çështje, përfshirë edhe skandalin e biletave të Real Madrid-Barcelona, ku Çeno bashkë me dy gjyqtarë të tjerë do të shkonte për të parë ndeshjen me paratë e biznesmenit, Namik Sadiku.
I biri, i njohur për jetën luksoze, pushimet në Majami dhe Montecarlo, e ka për herë të dytë garimin për deputet i këtij qarku.
Herën e parë, në 2017, ai nuk ia doli, ndërsa kësaj here ai hyn “kontrabandë” në një listë, ku vetë PD-ja Durrës e mbajti jashtë, e sot emri mbiu nga diku…
A bëhet fjalë për një gabim të degës së Partisë Demokratike Durrës, apo telefonatat e minutës së fundit kanë dhënë efekt rrufe, duke shtuar emra?
Por edhe në këtë rast, mister është fakti se kush e votoi Çenon, kur emri as nuk ishte në listë? Si doli ky emër pas përfundimit të procesit?
Këtë sqarim me siguri do e bëjë vetë PD, por pse jo edhe Komisioni i Vlerësimit, nëse do të habiten, që iu vjen një emër që ata as nuk e listuan për tu votuar në Durrës.
Lista me kandidatët e konfirmuar:
1. Ardian Muka
2. Arjan Dedej
3. Arlind Boshku
4. Armand Teliti
5. Artion Bajramaj
6. Blerina Reçi
7. Dejana Burgia
8. Edlira Devolli
9. Edmond Hoxha
10. Enri Ceno
11. Erald Dervishi
12. Erzen Laçi
13. Fatbardha Kadiu
14. Florid Shazivari
15. Gazmend Oketa
16. Igli Cara
17. Ivo Jorgoni
18. Manjola Luku
19. Merita Danovelli Çela
20. Mirela Shala
21. Nasild Alikaj
22. Neritan Golja
23. Oerd Bylykbashi
24. Pëllumb Berisha
25. Redi Myshketa
26. Riselda Kalia
27. Sokol Kapedani
28. Xhorxh Aleksi
/e.rr
