Zgjidhjet për kreun e ri të Partisë Socialiste janë zhvilluar sot në Bashkinë e Beratit dhe Shkodrës. Në Berat 152 anëtarë të ansamblesë së kësaj partie do të votojnë për ti dhënë aprovimin kandidaturës së Valbona Zylyftari.
Proçesi i votimit të zgjedhjes së kreut të ri kanë nisur rreth orës 11:00, ku veç deputetëve të majtë të këtij qarku, kryetarëve të njësive vendore që drejtohen nga të majtët, ka qënë në Berat i dërguari i kryesisë së PS-së në këtë bashki, Arben Ahmetaj.
Anëtarët e ansamblesë socialiste të Beratit zgjodhën gjashtë kandidatura në garrë për zgjedhjen e kryetarit të ri, por kryesia e PS-së përzgjodhi vetëm një kandidaturë atë të Valbona Zylyftarit, e cila aktualisht mban postin e drejtores së zyrës së punës në Berat.
“Çdo pjesë e Partisë së Socialiste ka nevojë për përmisim, për më shumë unifikim dhe për më shumë frymë sepse mbi të gjitha ky është një proçes. Si të gjitha njësitë e PS-së në vend dhe PS e Beratit ka nevojë për më shumë punë dhe për më shumë kohezion”, tha Ahmetaj.
Ndërkohë Arvit Osja eshte kryetari i Partisë socialiste Bashkia Shkodër. Ai mori 168 vota pro dhe 15 kundër nga 183 anetarë të asamblesë që votuan. Ndërsa në listat e votuesve kanë qënë 212 anëtar.
Gjithahtu, në Bashkinë Vaut Dejës kandidatura e vetme Sokol Shkreli ka humbur garën me veteveten pasi ka marrë vetëm 27 vota pro nga anëtarët e asamblesë socialiste të bashkisë Vau Dejës dhe ka marrë 30 vota kundër dhe 1 abstenim.
Nga ana tjetër në Bashkinë e Malësisë së Madhe me rreth 99. 7%, 103 antarët kanë zgjedhur me 101 vota pro Lulzim Zarën në krye të PS- së. (shqiptarja / r.a)
