Përfaqësuesja e Partisë Socialiste në Komisionin Qendror të Zgjedhjeve (KQZ), Elena Xhina thotë se fleta e votimit për personat që jetojnë jashtë vendit, ka një shenjë dalluese në pjesën e mbrapme të saj.
Në një intervistë për “Newsline” në ABC News, Xhina u shpreh se palët politike duhet të gjejnë dakordësi për të miratuar ndryshimet në kodin zgjedhor.
Ndër të tjera, Xhina deklaroi se kërkesa e Partisë Demokratike, që emigrantët të votojnë me dokumentet e shteteve ku jetojnë, nuk është e mundur, pasi platforma e regjistrimit (PER), njeh vetëm dokumentet shqiptare.
“Fleta e votimit për emigrantët ka një specifikë, pasi në pjesën e prapme të saj ka një element dallues. Është një lajm i mirë për të gjithë, procesi në KQZ po vijon në rregull. Pikat e sigurisë janë të njëjta për të gjitha fletat e votimit. Kjo është shenjë dalluese, këto vijnë me postë. Kanë nevojë për një shenjë dalluese. Do ishte shumë mirë të ishte miratuar dje, por gjithsesi edhe në se ndodh të hënën, jemi në mundësi për t’i arritur afatat. Sa i takon kërkesës së PD, u bë një kërkesë zyrtare në komisionin e ligjeve, dhe aty nëpërmjet diskutimeve, PS mbajti qëndirmmin që kjo kërkesë nuk mund të pranohej. Nga ana teknike jemi shumë vonë, platforma njeh vetëm dokumentet shqiptare ppër regjistrim. Është një kërkesë që tashmë e ka marrë përgjigjen e saj”, theksoi ajo
