Kjo e shtunë çoi në rreth 104 mijë, numrin e emigrantëve të regjistruar për të votuar me postë në zgjedhjet e 11 majit.
Shifrat e pasqyruara në kohë reale që prej fillimit të procesit nga KQZ tregojnë se shumica dërrmuese, gati 100 mijë e kërkesave për regjistrim ka ardhur nga emigrantët e Italisë dhe Greqisë ndërsa numër të lartë kërkesash ka edhe nga diaspora në Gjermani, Britani e Shtetet dhe Bashkuara të Amerikës.
Numri më i madh i tyre janë zgjedhës që i përkasin qarkut të Tiranës, Fierit, Durrësit e Korçës, aty ku vota e diasporës mund të ndikojë shpërndarjen e mandateve.
Diaspora ka kohë deri më 4 mars për t’u regjistruar dhe deri në këtë periudhë e gjithë energjia e politikës është përqendruar me takime jashtë vendit. Këtë javë pritet që Kuvendi t’i japë dritën jeshile edhe ndryshimeve në kod, që do të lejojë që posta të paguhet e gjitha nga shteti shqiptar.
