Sekretari i Partisë Socialiste, Blendi Klosi ishte i ftuar në Debat në A2 CNN, ku foli në lidhje me votën e diasporës, e cila për herë të parë aplikohet në zgjedhje në Shqipëri.
Klosi zbuloi se Partia Socialiste ka punuar shumë për votën e diasporës dhe shpreson që të arrijë objektivat e saj në këto zgjedhje.
Sipas Klosit, partitë politike duhet të kishin bërë më shumë për këtë çështje teksa shtoi se shumë emigrantë, ende nuk dinë të regjistrohen.
“Ne kemi 5-6 muaj që mblidhemi për votën e diasporës. Kemi ngritur dhe një bord me të cilët diskutojmë dhe përcaktojmë objektivat për votën e diasporës. Janë ditët e fundit dhe ne kemi punuar shumë, kemi rekordet tona, kemi 104 mijë anëtarë, edhe sikur një regjistrim të bënte do të shkonte mbi 100 mijë vota. Kanë shkuar mbi 170 mijë regjistrime dhe PS pritet të ketë një mazhorancë. Procesi nuk ka qenë i lehtë, rrugës ka pasur ndryshime që e kanë bërë më të lehtë.
Nëse do të kishte një komision ndërpartizan, që dy vjet më parë, edhe më shumë do të ishin regjistruar. Në Italinë e Veriut ka ende shqiptarë që nuk e dinë sesi votohet, apo si të regjistrohen. Vota e diasporës tregoi që është një politikë kombëtare që duhet të kishim punuar shumë më shumë”, tha Klosi në A2 CNN.
