Blendi Klosi, Sekretar i Përgjithshëm i Partisë Socialiste në detyrë, i ftuar në “Debat” nga Alba Alishani në A2 CNN, foli në lidhje me votën kundër të Erjon Braçes për shkarkimin e Olta Xhaçkës.
Sipas Klosit, ai e sheh më shumë si një gabim i teknikës, se sa një qëndrim politik të z. Braçe, ndërsa shtoi se, nëse kjo votë kundër nuk shpreh asgjë, kur qartazi edhe vetë znj. Xhaçka votoi pro shkarkimit të saj.
“Mendoj që do të ketë qenë një gabim i teknikës. Nuk besoj se ka qenë një vullnet i z. Braçe dhe mendoj që ka qenë thjesht një moment teknik, nuk ka pse të ishte kundër. Nuk shpreh asgjë një votë, kur qartazi edhe vetë znj. Xhaçka votoi për shkarkimin e saj.
Megjithatë padyshim i takon z. Braçe për ta komentuar, vota e gjithsecilit është individuale, pasi z. Braçe nuk është nga ata që në qoftë se do të kishte një qëndrim politik, nuk do ta kishte thënë atë qëndrim. Por mendoj fort që ka qenë një problem teknik”, deklaroi Blendi Klosi, Sekretar i Përgjithshëm i Partisë Socialiste në detyrë./m.j
