Një tmerr të vërtetë përjetuan banorët e një zone në Siçili kur vorbulla e tornados rrëmbeu një burrë, e fluturoi lart në qiell dhe e plasi për vdekje në tokë.
Mediat vendase kanë bërë me dije se viktima është pronari i një kafeneje në fshat. Në momentin që kishte filluar stuhia 53-vjeçari ishte larguar nga shtëpia.
Burrin e zuri vorbulla e plotë dhe nuk kishte mundësi shpëtimi. Ajo e ngriti në ajër dhe e përplasi me forcë në tokë duke i shkaktuar vdekjen.
Gjithçka ndodhi në zonat rurale me epiqendër midis Frigintinit dhe rretheve Bosco, Serrameta, Sant’Elena dhe tornado shkaktoi shumë dëme. Shumë banesa dhe biznese kanë mbetur pa energji elektrike dhe lidhja e internetit është shkëputur. Ekipet e shpëtimit ndodhen në zonat e prekura nga tornadoja.
/b.h
