Presidentja e Komisionit Evropian, Ursula von der Leyen, të dielën do të nis një vizitë katër-ditore në Ballkanin Perëndimor, përshirë edhe Kosovën, ka njoftuar Zyra e Bashkimit Evropian në Kosovë.
Von der Leyen, gjatë vizitës në rajon përveç Kosovës, do të vizitojë edhe Maqedoninë e Veriut, Malin e Zi, Serbinë dhe Bosnje e Hercegovinën.
Më vonë gjatë ditës ajo do të udhëtojë për në Prishtinë, ku do të takohet me Presidenten dhe kryeministrin e Kosovës, Vjosa Osmani dhe Albin Kurti.
Ajo do të takohet me presidentin Jakov Milatoviç si dhe me kryeministrin në detyrë të Malit të Zi, Dritan Abazoviç.
Pasdite e ditës së marte, von der Leyen, do të udhëtojë për në Beograd.
Atje ajo do të takohet me presidentin e Serbisë, Aleksandar Vuçiç, si dhe me kryeministren, Ana Brnabic.
“Së fundi, të mërkurën, presidentja von der Leyen do të takohet në Sarajevë me Presidencën e Bosnjë-Hercegovinës. Ajo do të takohet edhe me Kryetaren e Këshillit të Ministrave, Borjana Kristo.
Von der Leyen, siç njofton komunikata, do të mbajë konferenca për shtyp në çdo shtet të cilën do e vizitojë gjatë turit ballkanik.
Turi katër-ditorë në Ballkanin Perëndimor vjen pas takimeve të von der Leyen në Shqipëri në kuadër të Samitit të Procesit të Berlinit.
/f.s
