Komisioni Evropian deklaroi në një konferencë për shtyp se të mërkurën, 30 shtator, Presidentja Ursula Von Der Leyen do të nis nga Tirana turin e saj në shtetet e Ballkanit Perëndimor.
Ajo do të takojë së pari Presidentin Begaj e më pas kryeministrin Rama.
Kjo vizitë vjen pas deklarimit të Von Der Leyen se do të paraqesë një afat kohor konkret për anëtarësimin e Shqipërisë dhe Malit të Zi. Burime mediatike në Bruksel kane konfirmuar faktin se Komisioni Europian është gati që të mbështesë zyrtarisht përmbylljen e negociatave të anëtarësimit të Shqipërisë me BE-në vitin 2027.
Të enjten, Presidentja e Komisionit Evropian do të vijojë turin e saj rajonal në Pristinë, ku do të takohet me Presidenten në detyrë Albulena Haxhiu dhe Kryeministrin Albin Kurti. Më pas, ajo do të udhëtojë në Podgoricë e me pas në Shkup. Vlen të përmendet se Von der Leyen ka
shtyrë për një datë të mëvonshme vizitat në Serbi dhe Bosnjë-Hercegovinë për shkak të zgjedhjeve të ardhshme. Edhe nderimet që u mbajtën në të dyja vendet në nder të kriminelit të luftës Ratko Mladić mund të kenë ndikuar gjithashtu në këtë vendim te kreut te komisionit evropian.
