Gjykata e Apelit të Krimeve të Rënda ka liruar nga burgu ditën e sotme dy persona, të cilët u arrestuan në shtator të vitit të kaluar si pjesë e operacionit ‘Volvo-4’.
Raportohet se dy personat që u liruan janë; Orges Jahelezi, alias Artan Elezi, me pseudonimin “Nita”, nga Tirana dhe Saimir Sulejmani nga Fieri të akuzuar për trafik droge. Ata u arrestuan si pjesë e grupit të Shijakut.
Avokati Alban Bengasi u shpreh se ‘Jahelezi dhe Sulejmani nuk kanë lidhje me drogën dhe falsifikimin e dokumenteve”. Deri më tani Apeli i Krimeve të Rënda ka ndryshuar 14 nga 54 masat e sigurisë dhënë për ‘Volvo -4’.
Në këtë operacion u arrestuan edhe dy ish- deputetët e PS, Arben Ndoka dhe Arben Çuko, të cilët ndodhet në arrest shtëpie.
Gjatë operacionit “VOL-VO 4” në të gjithë Shqipërinë u goditën 4 grupe kriminale me 44 urdhër-arreste. 27 persona u vunë në pranga brenda një dite ndërsa baza e këtyre bandave ishte në Shijak dhe Lezhë.
/a.rada
