Deputetja e Partisë Demokratike Albana Vokshi, ka ngriotur me shqetësim mungesën sipas saj të medikamenteve për trajtimin e sëmundjes HIV-AIDS.
Sipas deputetes demokrate, në 10 ditët e fundit në vend kanë vdekur 6 persona me këtë sëmundje të rëndë.
Ajo ka fajësuar Ministrinë e Shëndetësisë, pasi këta persona nuk kishin medikamente për t’u kuruar, çka u kushtoi atyre jetën.
“Kam një informacion tepër të rëndë. Në 10 ditë kanë vdekur 6 persona me HIV, për shkak të mungesës së medikamenteve”, tha deputetja Vokshi./a.m.
