Sipas artikullit të revistës Vogue, nuk mund të mohohet ndikimi pozitiv që mund të ketë udhëtimi në botë nga rritja e mirëkuptimit kulturor mbi ruajtjen e natyrës së virgjër. Sipas Indeksit të Performancës Mjedisore të vitit 2018, vendet europiane si Zvicra, Franca dhe Danimarka zënë vendin e parë si vendet më të qëndrueshme në botë, ndërsa Shqipëria me një rritje të shpejtë ekonomike edhe në industrinë e turizmit u zhvendos në renditje nga vendi i 61-të në 2016 në të 40-in në 2018, thekson revista Vogue.
“ Shqipëria i dha prioritet zonave të mbrojtura si Parku Detar i Karaburun-Sazanit, parku detar i parë dhe i vetëm kombëtar. Shqipëria e realizoi këtë me mbështetjen e Programit të Zhvillimit të Kombeve të Bashkuara dhe Mjedisit Global. Sipas Këshillit Botëror të Udhëtimit dhe Turizmit, industria e udhëtimit është një nga më të fuqishmit në botë – siguron 10 përqind të vendeve të punës ose 313 milionë në mbarë botën.
Por, ka edhe efekte anësore negative, sepse vizitorët i vënë qytetet në trysni, nga dollarët e turizmit nuk përfitojnë komunitetet lokale dhe linjat e mëdha ajrore përdorin shume lëndë djegëse.” shkruhet ne artikullin e Vogue
