Ditën e sotme u zhvilluar ceremonia e përcjelljes në banesën e fundit të 10 vjeçares Noemi, e cila humbi jetën në aksidentin e ndodhur të dielën mbrëma në aksin Shkodër – Velipojë.
Kjo ishte një tragjedi për familjen Preka pasi humbi jetën kryefamiljari dhe tre fëmijët e mitur, ndërsa shpëtoi gjallë vetëm bashkëshortja Evisa.
Në kishën e Velipojës u mbajtën homazhe për Noemin 10 vjeçare, ndërsa famulltari Dom Marjan Gega preku me fjalët e tij duke thënë se Evisa, gruaja që humbi gjithë familjen nga aksidenti, burrin bashkë me vogëlushët, kërkon fëmijët e saj.
“Evisa kërkon fëmijët e saj. Evisa ne jemi duke te rrejt sepse s’dim si me ta tregu. Askush nga se merr guximin si me ta than. Jena tu te rrejt ashtu si kjo jete eshte e rrejshme, jemi duke u tregu te padrete ashtu sic ne po tregohena te padrejte me ty.
S’kam ma fjale me te than Evisa. Di te them se femijet dhe burri jot nuk janë ma ktu. Na as ti nuk i sheh por ata jane me ne. Femijet dhe bashkeshorti nuk duan qe te mbytemi ne lot e deshperimit por ata dua qe te ne shpresojme dhe te besojme se ata jan ne jeten e vertete e ndersa ne ne jeten e rrejshme” tha Dom Marjan Gega./a.m.
