Një skenë që të kujton filmin “tomka dhe shokët e tij” është kjo që shihet në fshatin turistik të Voskopojës vetëm se fusha ku fëmijët e fshatit luajnë futboll nuk është pushtuar nga gjermanët, por nga inertet e hedhura.
Fëmijët të cilët prej vitesh luanin në këtë fushë pavarësisht stinës së verës dhe pushimeve verore janë privuar totalisht nga kjo hapësirë e paracaktuar për ta, ndërsa nuk mund ti drejtojnë gishtin askujt që ua pushtoi fushën.
Vogëlushët teksa janë lodhur nga kjo situatë ku cdo ditë fushës i shtohet një pirg tjetër dherash apo mbetjesh të materialeve të ndërtimit kanë firmosur një peticion drejtuar kryebashkiakut të korcës, Sotiraq Filo, dhe kreu të qeverisë Edi Rama ku iu kërkojnë rikthimin e fushës.
Në këtë peticion Marko që ka ardhur me pushime në këtë zonë u ngrenë këtë problematikë kryeministrit, Rama, ku u kujton atij se pushtuesit e fushës këtë herë nuk janë të huaj por janë shqiptarë.
“I Kërkojmë xhaxhi Ramës vetëm të na krijojë një fushë të vogël të paktën për të luajtur. Po ajo fushë ekzistonte por është mbushur plot me mbeturina dhe atje ska më vend.”-shprehet dy fëmijët
Edhe pse fusha ndodhet në qendër të fshatit, në afërsi të kishës së Shën Kollit, një zonë jo pak e vizitueshme nga turistët ajo e ka humbur identitetin e saj./Shqiptarja.com/
