Vrojtuesit e Plazhit dhe Shpëtimit në Ujë, kanë shpëtuar një 5-vjeçar i cili ka humbur në Plazhin e Spillesë. Ata bëjnë thirrje që çdokënd që e njeh Samuelin dhe familjen e tij, të njoftojë.
“Ky është Samuel Xhepa, vogëlushi 5-vjeçar, i cili ka humbur ne plazhin Leonardo, ne Spille. Samueli u vu re nga Marlindi, ‘Vrojtuesi i Plazhit dhe Shpëtimit në Ujë’, i cili menjëherë i ofroi ndihme pasi vogëlushi ishte pickuar nga një peshk.
Pas një bisede me vogëlushin, Samueli i tregoi se i ati quhet Sinan Xhepa. Marlindi ka njoftuar autoritetet lokale dhe se bashku me Samuelin janë ende ne pritje te familjes se vogëlushit. Nëse e njihni vogëlushin dhe prindërit e tij, ju lutemi te jepni ndihmën tuaj qe Samueli t’u bashkohet sa me shpejt prindërve.”,- thuhet në njoftimin e Vrojtuesve të Plazhit dhe Shpëtimit në Ujë./l.m
