Një person është arrestuar në Sarandë pasi ishte shpallur në kërkim për veprën penale të vjedhjes.
Në pranga të policisë Elton Baho, 34 vjeç, banues në Gjashtë të Sarandës, pasi në lagjen e nr.1 të Sarandës I ka vjedhur aparatin celuar polakes një muaj më parë.
Policia vijon punën për kapjen dhe arrestimin e personave të tjerë që akuzohen për vepra të tilla penale
Njoftim i plotë i policisë së Sarandës:
Sarandë
Vijon puna për kapjen dhe ndalimin e shtetasve të shpallur në kërkim !
Kapet një shtetas i shpallur në kërkim për veprën penale të vjedhjes!
Më datë 12.10.2017, Specialistët e Seksionit për Krimet në Komisariatin e Policisë Sarandë, në vijim të punës së tyre për kapjen e shtetasve të shpallur në kërkim kanë bërë të mundur kapjen dhe ndalimin e shtetasit :
Elton Baho, 34 vjeç, banues në Gjashtë, Sarandë.
Ky shtetas ka qënë i shpallur në kërkim prej policisë për veprën penale ”Vjedhja”, pasi më datë 08.10.2017 në lagjen ”Nr.1”, në Sarandë dyshohet se i ka vjedhur aparatin celualar tip ”Samsung J5” shtetases Polake K.S.M.B, 47 vjeçe.
Materialet u referuan në Prokurorinë e Rrethit Gjyqësor Sarandë për veprime të mëtejshme. /b.d
