Një shtetas i shpallur në kërkim për një vjedhje me dhunë të kryer në Greqi është arrestuar nga policia në Berat. Në pranga përfundoi Altin Ruli, 44 vjeç, banues në lagjen “Çlirim”, të qytetit. Policia lokale sqaron se arrestimi i tij është bërë pasi Gjykata e Shkallës së Parë Berat ka caktuar masën e sigurisë “arrest me burg” më 27 tetor të këtij viti, për veprat penale “vjedhje me dhunë e kryer në bashkëpunim”, ngjarje e ndodhur në shtetin grek. Policia nuk sqaron se kur ka ndodhur kjo ngjarje dhe çfarë pasojash konkrete ka pasur.
