Gjykata ka vendosur të lërë prapa hekurave gjashtë personat e arrestuar për grabitjen e një shume prej 13 milion lekësh të rinj në postën e Krujës.
Gjyqtarja Enkeleda Hoxha ka caktuar masën e sigurisë “arrest me burg” për Mark Cakën, Gazmir Sakën, Hysen Kicën, Bujar Tafën dhe Andi Rexhepin e ndërsa është endë në kërkim specialisti i sallës S. T., 28 vjeç pasi fshehën ngjarjen.
Autorët, që funksiononin si grup të strukturuar kriminal, kanë pasur informacion të sigurt, pasi në zyrën e postës janë dy kasaforta, ndërkohë që u grabit vetëm ajo që kishte 13 mln lekë dhe 1500 Euro brenda, teksa tjetra nuk është prekur.
Autorët kanë përdoru një kamionçinë frigoriferike për të transportuar parat e grabitura. Ndërkohë nga këqyrja e kamerave të sigurisë, është vënë re se autorët e grabitjes, kanë rrahur rojen dhe më pas e kanë detyruar që të ngarkojë paratë e postës.
Operacioni i koduar “Filiali” bëri të mundur arrestimin e tyre vetëm pak ditë pas grabitjes së shumë së madhe të parave.
Përveç një pjese të lekëve, policia sekuestroi edhe 3 armë zjarri me silenciatorë, minë me telekomandë, dy automjete e prova të tjera të vlefshme që shërbejnë për hetimin.
Shtetasi Gazmir Saka është person me precedent kriminal në fushën e vjedhjes me armë të pronës dhe në fushën e narkotikëve. Gjithashtu, me precedentë në fushën e krimeve ndaj personit e pronës është edhe shtetasi Andi Rexhepi, i njohur me pseudonimin “Rrem Paturri”
Po nga të dhënat që disponon Policia , këta persona janë autorë të dyshuar të një sërë grabitjesh me dhunë dhe me armë në Kavajë, Durrës, Vorë, Kamzë, Laç e Mirditë.
g.kosovari
