Gjashtë kompanitë që kanë lidhur kontrata me ish-kompaninë “CEZ Shpërndarja” për mbledhjen e borxhit financiar që 318 mijë konsumatorë i kishin kësaj kompanie, rezultojnë të çregjistruara nga QKR. Këto kompani janë hapur dhe brenda një viti janë mbyllur sërish. Qëllimi ka qenë i qartë për mbledhjen e borxhit të “CEZ Shpërndarja” dhe pas kësaj kompanitë kanë mbyllur aktivitetin tregtar. Më konkretisht janë dhjetë kompani që kanë lidhur kontratë me ish-kompaninë “CEZ Shpërndarja”, raporton Shqiptarja.com
Të tre shoqëritë si: “CE2 Services” Sh.p.k, “CE2 Debt Management” Sh.p.k, “CE2 DEBT COLLECTION”, janw hapur në muajin Mars-Prrill të vitit 2012 dhe se më pas janë mbyllur në periudhën kohore 26 dhjetor 2013 dhe 27 maj 2013. Brenda një dite janë mbyllur dy kompanitë e njohura të mbledhjes së borxhit si “CE2 Services” Sh.p.k dhe “CE2 Debt Management” Sh.p.k. Një skemë e tillë është përdorur dhe nga tre kompani të tjera të cilat pasi kanë plaçkitur paratë e shqiptarë për llogari të “CEZ Shpërndarja” janë ç’regjistruar nga QKR duke u tërhequr nga aktiviteti tregtar.
