Dy zyrtarë të Forcave të Ndërhyrjes së Shpejtë në Policinë e Shtetit kanë rënë në pranga sot të akuzuar për “shpërdorim detyre”, “korrupsion pasiv” si dhe “falsifikim dokumentash”.
Të arrestuar janë Nevila Mmo, me detyre Shefe e Logjistikës në Komisariatin e Ndërhyrjes së Shpejtë në Tiranë si dhe Genci Reçi, ish-Shef Shtabi në këtë Komisariat.
Arrestim i tyre u krye si rezultat i një hetimi disa-mujor nga ShÇBA-ja, Tiranë, në bashkëpunim me njësinë Task-Forcë, në Prokurorinë Pranë Gjykatës së Rrethit Tiranë.
Mamo dhe Reçi akuzohen për kryerjen e veprave penale të “Shpërdorimit të detyrës”, “Korrupsionit pasiv” dhe “Falsifikimit të dokumentave”.
Sipas policisë dy zyrtarët e FNSH-së nëpërmjet mekanizimit të falsifikimit të dokumentave kanë abuzuar me detyrën duke shpërdoruar fondet publike për një periudhë 2-vjeçare. Dëmi ekonomik i shkaktuar buxhetit, është mbi 6 milion lekë (të reja).
Materialet iu kaluan Prokurorisë së Rrethit të Tiranës, për hetime të mëtejshme.
Redaksia Online
(JavaNews.al)
