Dy persona u arrestuan nga policia e Elbasanit, ndërsa po punohet për kapjen e bashkëpunëtorëve të identifikuar. Në pranga përfunduan Leonard Pepa, 25 vjeç, banues në fshatin Shalës, si dhe Roni Plaku, 31 vjeç, banues në fshatin Pajovë, Peqin.
Këta shtetas në bashkëpunim me njëri – tjetrin më datë 14 korrik 2016, në fshatin Shalës dyshohen të kenë vjedhur dyqanin e shtetasit B.P ku dyshohen të kenë marrë 600. 000 lekë dhe një sasi kartash rimbushëse.
Policia sekuestroi në cilësinë e provës materiale: 60. 000 lekë si dhe 8 karta rimbushëse. Materialet i kaluan Prokurorisë Elbasan për veprime të mëtejshme për veprën penale “Vjedhje kryer në bashkëpunim”.
