Policia e Tiranës ka vënë në pranga 3 persona, ndërsa ka shpallur në kërkim tre persona të tjerë të akuzuar për vjedhje. Në kuadër të operacionit të koduar “BOLIERI”, Policia e Tiranës ka arrestuar Dylber Halili, 22 vjeç, lindur në Kukës dhe banues në Tiranë, i dënuar më parë, Dorian Gjoni, 23 vjeç, lindur në Dibër dhe banues në Tiranë, dhe Pëllumb Kaziu, 43 vjeç, lindur dhe banues në Tiranë, i denuar me pareë.
Sipas policisë, ndalimi i këtyre shtetasve u bë pasi në bashkëpunim me njëri-tjetrin dyshohet se në kohë të ndryshme kanë kryer vjedhjen e 130 copë bolierave dushi ne ambjentet e magazinës së një firme private me administrator shtetasin Gj.T, të cilët më pas ja kanë shitur shtetasit Pëllumb Kaziut.
Nga hetimet e kryera rezulton se autorë të dyshuar të kesaj ngjarje janë shtetasit D.C, 40 vjeç, lindur në Dibër dhe banues në Tiranë, S.B, 29 vjeç, lindur dhe banues në Tiranë dhe A.F, 25 vjeç, lindur në Kukës dhe banues në Tiranë.
Për këta shtetas u bë shpallja në kërkim policor dhe po punohet për gjetjen, kapjen dhe venien para përgjegjësisë ligjore të tyre. Nga ana e policisë në cilësinë e provës materiale u gjetën dhe u sekuestruan 38 copë boliera dushi.
Materialet hetimore i dërgohen për hetim të mëtejshëm Prokurorisë së Rrethit Gjyqesor Tirane, për veprat penale të “vjedhjes” dhe “Përvetësim i parave ose mallrave që rrjedhin nga vepra penale ose veprimtaria kriminale”.
