Një sasi prej 412 kilogramë kanabis është sekuestruar në Vlorë, në afërsi të derdhjes së Lumit Vjosa. Policia njofton se përveç kanabisit, është sekuestruar edhe një gomone dhe 60 litra benzinë. Gomonia është pikasur gjatë aksionit të policisë e fshehur në një ferrë. Aksioni është zhvilluar në orët e para të mëngjesit.
Njoftimi i plotë:
Vlorë, Strukturat Policore të DVP Vlorë në bashkëpunim me Policinë Kufitare në afërsi të derdhjes së lumit Vjosa kanë sekuestruar 412.5 kg kanabis, 1 gomone dhe 60 litra benzinë. Vijon puna për identifikimin e kapjen e autorëve të kësaj veprimtarie të paligjshme.
Materialet hetimore iu referuan Prokurorisë së Rrethit Gjyqësor Vlorë, për veprën penale ”Trafikimi narkotikëve, mbetur ne tentativë” parashikuar nga neni 283/a e 22 i Kodit Penal.
ma.me
