Është zbardhur dëshmia e 39-vjecarit Endrit Sabaudinaj në Vlorë, të cilit i vendosën tritol në makinë ditën e djeshme, por fatmirësisht nuk pati pasoja. Në dëshminë e tij 39-vjecari shprehet se nuk ka pasur konflikte të mëparshme dhe kërcënime.
“S’kam pasur konflikte të mëparshme dhe kërcënime. Kam disa kohë që kam një lokal me qira”- ka thënë ai në dëshminë e tij.
Theksojmë se lokali tek ‘Uji i Ftohtë’ është i njohur për një ngjarje të ndodhur në fund të marsit, ku mbeti i vrarë një person dhe u plagosën tre të tjerë dhe kjo është një nga pistat ku po heton policia.
Ka qenë vet pronari i mjetit ai që sinjalizoi policinë pasi pa një qese të zezë plastike të dyshimtë pranë mjetit të tij të parkuar pranë zonës së ‘Ujit të Ftohtë’.
Policia ka kryer shpërthim të kontrolluar dhe shoqëruar 6 persona lidhur me ngjarjen. Sipas uniformave blu po verifikohet celulari i lidhur me eksplozivin si dhe karta SIM e cila rezulton e blerë në tregun e zi.
