Tre persona kanë përfunduar pas hekurave nën akuzën për “Armëmbajtje pa leje”. Burime nga policia e Vlorës bënë me dije bëhet për Vasil Papën, 32 vjeç, banues në Selenicë, Ergyst Murati, 27 vjeç si dhe Klajdi Begajn, 26 vjeç. Në kuadër të operacionit “Treshja Eccobet” u bë e mundur arrestimi i tre të rinjve.
Gjatë një kontrolli të ushtruar në lokalin e basteve sportive të quajtur “Eccobet” në lagjen “Pavarësia” (në pronësi të shtetasit, K.Ll), blutë kanë konstatuar se Vasil Papa, dispononte një armë zjarri (në brez) pistoletë të llojit “TT” model 54, 2 krehër me nga (7+6) fishekë plus 1 fishek tjetër i cili ndodhej në folenë e fishekut, duke paraqitur një rrezikshmëri të lartë për qytetarët.
Gjithashtu, pranë një tavoline në të cilin po qëndronin Klajdi Begaj dhe Ergyst Murati, u gjetën 2 armë zjarri të tjera (TT dhe Beretta), si dhe 2 krehër me 7 dhe 15 fishekë, të cilat ishin të fshehura në pjesën e dyshemesë.
Policia ka sekuestruar në cilësinë e provës materiale:
2 armë zjarri pistoletë të llojit “TT” model 54,
1 armë zjarri pistoletë të llojit “Beretta”,
21 fishekë të kalibrit 6.72 mm,
15 fishekë të kalibrit 9 mm,
4 krehër të mbushura me fishekët e mësipërm,
6 aparate celularë.
Materialet i kaluan Prokurorisë në ngarkim të këtyre shtetasve për veprën penale “Prodhimi dhe mbajtja pa leje e armëve luftarake dhe municioneve”.
