Agjencia Shtetërore e Kadastrës në Vlorë ka mbetur sërish pa drejtues. Vetëm pas 5 muajsh në detyrë është shkarkuar drejtori Erdet Mandi. Ndërkohë që nga detyra janë shkarkuar edhe shefi i sektorit të legalizimeve Donald Fegaj dhe shefi i kualifikimeve në këtë institucion.
Burimet për Report Tv bëjnë me dije se në kreu të Kadadstrës së Vlorës pritet të emërohet Ina Luci. Një rikthim ky pasi Luci e ka drejtuar këtë institucion në periudhën tetor 2013- dhjetor 2014. Drejtuesja e re do të prezantohet para stafit gjatë ditës së nesërme.
Kryeministri Rama paralajmëroi një javë më parë të gjithë ata që quajti ‘ujqër pranë kadastrës së Vlorës’ që të largohen./shqiptarja.com
