Policia e Vlorës ka asgjësuar 24 parcela me rreth 11 716 rrënjë bimë narkotike të llojit Cannabis Sattiva.
Bimët narkotike u gjetën të mbjella në fshatrat Vranisht, Mavrovë, Vlorë dhe në fshatin Dhivër të Sarandës, të cilat ishin të kultivuara nëpër pjesë toke pa pronar pranë pyjeve dhe përrenjve të ndryshëm, të ndara në 22 parcela në total.
Policia bëri asgjësimin e tyre me anë të djegies me zjarr.
Punohet për identifikimin dhe kapjen e kultivuesve të këtyre bimëve narkotike.