Policia e Vlorës arrestoi një shtetas italian të cilit i bllokoi një sasi prej 32.4 kilogram kanabis-sativa të cilën tentoi ta tarfikonte përtej Adriatikut.
48-vjeçari Giovani Melafronte, banues në Napoli të Italisë, e kishte fsheshur drogën në pjesën ballore të kamionit tip Scania me targë CH663JM. Pas një kontrolli në mënyrë të detajuar, policia konstatoi lëndën narkotike e cila ishte e shpërndarë në 19 pako.
Aktualisht, policia po kryen veprimet e tjera hetimore për të zbuluar ku është furnizuar shtetasi italian dhe nëse ka bashkëpunëtor në linjën e trafikut të narkotikëve.
