Një peshkarexhë është mbytur në qytetin bregdetar të Vlorës.
Ngjarja ka ndodhur në afërsi të Sazanit në orët e para të mëngjesit.
Si pasojë e një avarie, mjeti është mbytur. Nga mbytja e peshkarexhës u rrezikuan tre peshkatarë, raporton BW.
Për fatin e tyre të mirë mundën të shpëtojnë nga trageti i linjës Vlorë-Brindisi.
Personeli i tragetit ka zbritur një varkë shpëtimi dhe më pas i kanë dhënë ndihmën e parë.
Policia po heton nëse ka pasur dijeni më parë në lidhje me ndonjë mosfunksionim të plotë.
Nga njoftimet e mëvonshme thuhet se pasi peshkarexha e tyre u përmbyt për shkak të një avarie, e vetmja gjë ku ata mund të mbaheshin për të shpëtuar jetët e tyre ishin disa copa bukëpeshku.
Që prej orës 23:00 të mbrëmjes së djeshme ata kanë mundur t’i bëjnë ballë ujit të ftohtë në mes të detit dhe një errësire të plotë. Pritja ia vlejti, pasi në orët e para të mëngjesit, një traget i linjës Vlorë-Brindizi, mundi t’i shihte.
Menjëherë u mundësua një varkë shpëtimi e peshkatarët morën ndihmën e parë. Policia gjithashtu po merret me hetimin e incidentit. (BW)
