Policia arreston në flagrancë një 18-vjeçar, pasi posedonte lëndë narkotike dhe një mjet mprehës “thikë” !
Arrestohet shtetasi:
— A. L. 18 vjeç, banues në Vlorë.
Arrestimi i këtij personi u bë për arsye se:
Shërbimet e Policisë, gjatë kontrollit fizik që i kanë bërë këtij shtetasi, në lulishten e lagjes “Pavarësia”, kanë konstatuar një sasi me lëndë narkotike prej 2.7 gr të llojit “Cannabis”, si dhe një mjet mprehës “thikë me sustë” në cilësinë e armës së ftohtë, të cilat i kishte fshehur në rrobat e trupit.
Më pas, gjatë kontrollit të ushtruar në banesën e këtij shtetasi në lagjen “Osman Haxhiu” Shërbimet e Policisë kane gjetur dhe sekuestruar 1.1 gr lëndë narkotike (të njëjtë me të parën) gjithashtu edhe 5.6 gr lëndë narkotike, ngjyrë kafe në formë të ngurtë të llojit “Çokollatë”, të cilat u bllokuan në cilësinë e provës materiale.
Materialet i kaluan Prokurorisë në ngarkim të këtij shtetasi për veprat penale “Prodhimi & mbajtja e lëndëve narkotike” dhe “Prodhimi & mbajtja pa leje e armëve të ftohta”.