Fund i dhimbshëm për një djalë të ri në Vlorë, pasi ka ikur nga kjo botë duke u hedhur nga lartësia e pallatit ku banonte.
Viktima është Orjon Çela, 34 vjeç, banues në Vlorë, raporton noa.al duke cituar burime policore lokale.
Ngjarja ka ndodhur mëngjesin e së dielës 19 shkurt në orën 02.30, 34-vjeçari është hedhur nga kati i pestë i pallatit dhe ka gjetur vdekjen.
Policia e Shtetit e publikoi vetëm sot informacionin zyrtar mbi të ndjerin dhe tha se materialet u referuan në Prokurorinë e Rrethit Gjyqësor Vlorë.
I riu u hodh nga kati i pestë në pallatin ku banonte në lagjen “Pavarësia” në qendër të qytetit jugor bregdetar, raporton noa.al.
Ai pati dëmtime të shumta në trup dhe në kokë dhe në këtë gjendje u dërgua në spitalin e qytetit. Rreth mesditës, në orën 12.00, i riu ndërroi jetë.
Policia tha se të ndjerit nuk iu krye autopsi pasi familja e refuzoi, duke qenë e qartë për shkakun e vdekjes.
Dyshimet e para janë se i ndjeri kishte çrregullime mendore.
