Anëtarët socialiste të Këshillit Bashkiak Vlorë kanë propozuar sot, më 22 shtator 2025, emrin e inxhinierit dhe një prej nënkryetarëve, Erlis Halili për kalimin e stafetës së drejtimit të bashkisë, pas dorëheqjes së dhënë nga Ermal Dredha.
Kreu i PD dega Vlorë, Atird Hoxha kundërshtoi, pasi Ervis Mocka, kryetari i këshillit të qarkut, mori fjalën dhe propozoi emrin e Halilit.
Ai tha se, që ky proces të jetë i drejtë, duhet që çdo gjë të shkojë sipas rregullores. “Ju lutem sekretar, bëni gati fletët e votimit”.
Gazetarja Greta Haskaj raporton për Tv Klan se Ervis Moçka deklaroi në mbledhjen e Këshillit Bashkiak, se “duan apo nuk duan demokratët, Ervis Halili do të zgjidhet me shumicë të votave”. “Doni apo nuk doni ju, ne do ta zgjedhim me shumicë votash”.
Klodian Xhyheri nga Partia Mundësia u shpreh se në këtë rast, është shkelur Kushtetuta.
“Sot i erdhi radha Ermalit, nesër do tju vijë radha dhe njërit prej jush,Mos fërkoni duart, ju duhet të ulërini se është shkelur kushtetuta me të dyja këmbët”.
