Një 50-vjeçar në Vlorë ka shantazhuar me video intime vajzën e tezes, për ti marrë para. Mësohet se ai e kërcënonte vazhdimisht se do ti publikonte pamjet në rrjetet sociale nëse ajo nuk do ti bindej kërkesave të tij.
Të dy kushërinjtë kishin krijuar një familje, por çuditërisht mes tyre kishte lindur një ndjenjë sentimentale, duke kaluar në raporte intime.
Mirëpo këto raporte intime janë filmuar nga 50-vjeçari me inicialet A.P, i cili më pas ka filluar ta shfrytëzojë këtë marrëdhënie për qëllime përfitimi.
Policia dhe prokuroria e Vlorës, në telefonin e gruas, ka gjetur dhjetëra biseda me përmbajtje shantazhuese, ku djali i tezes së saj e kërcënonte se do i publikonte fotot dhe videot intime në rrjete sociale.
Mësohet se ajo i kishte dhënë 50-vjeçarit 100 mijë lekë të vjetra, 50 euro dhe 70 mijë lekë të vjetra.
Aktualisht ndaj 50-vjeçarit është vendosur nga gjykata e Vlorës masa e sigurisë “arrest në burg” për akuzën e “Shtrëngimit me anë të kanosjes dhe shantazhit me qëllim marrjen e pasurisë”.
Kërkimet për arrestimin e tij janë kryer nga policia e Vlorës, por pa rezultat. 50-vjeçari ka mundur të largohet nga Shqipëria, duke u fshehur në Itali.
/b.h
