Vijon plani i veprimit kundër rasteve të kultivimit të bimëve narkotike.
Asgjësohen nga policia 50 bimë narkotike.
Në pranga autori i dyshuar.
Më datë 13.06.2017, pas informacioneve të marra në rrugë operative, gjatë kontrollit të ushtruar në fshatin Drashovicë, Bashkia Selenicë, Policia e Vlorës ka konstatuar të mbjella 50 bimë narkotike të llojit Cannabis Sattiva.
Bimët narkotike u gjetën të mbjella në lagjen “Paramillo” pranë vendit të quajtur “Fëngje”, në një terriotor me bimësi të egër rreth 40 m larg stanit të shtetasit Todi Memaj.
Në lidhje me këtë ngjarje, Policia ka arrestuar në flagrancë shtetasin:
- Todi Memaj, 59 vjeç, banues në fshatin Drashovicë, Selenicë, i cili dyshohet të jetë autor i dyshuar në lidhje me këtë vepër penale.
Materialet u referuan pranë Prokurorisë në ngarkim të këtij shtetasi për veprën penale “Kultivimi i bimëve narkotike” parashikuar nga neni 284 i Kodit Penal./a.m.
