Vlora e cilësuar si një nga vatrat me të nxehta të krimit, shënon plot një vit pa asnjë vrasje në qytetin bregdetar. Diçka që nuk ka ndodhur kurrë në 39 vite më parë duke e nxjerr Vlorën nga një “harta e zezë” dhe i jep shkëlqimin e Vlorës së Turizmit, shkruan gazetari nga Vlora, Enrik Mehmeti.
Dy atentate u parandaluan pak ditë më parë në qytetin bregdetar me arrestimin e autorëve të dyshuar, diçka që nuk kishte ndodhur më parë.
Gjatë verës së çdo viti të kaluar , apo edhe në dimër, atentatet apo vrasjet kanë qënë të pranishme, ku deri para 15 viteve mënyra më e përdorur e atentateve ka qënë nëpërmjet eksplozivit me shoë për të treguar forcën ndaj kundështarëve dhe më pas atentatet e mirëorganizuara dhe gati çdo herë vrasjet kanë ngelur të pa zbardhura.
Pak ditë më parë nga ana e policisë së Vlorës janë evituar 2 atentate, një me armë silenciator dhe një tjetër me eksploziv, ku në të dy rastet janë arrestuar dhe autorët, (rrallëherë ka rastisur që të parandalohen vrasje dhe të kapen autorë gati për ekzekutim). Nëse do të kishin ndodhur këto dy atentate, do të ishte një njollë e zezë në sytë e turistëve të shumtë ku gati 90 përqind e tyre, vijnë për herë të parë në Shqipëri.
Atentate apo vrasje do të ketë gjithmonë ashtu si në shumë vënde të botës por plotësimi i një viti të plotë për herë të parë në 39 vite,pa viktime atentati në forma të ndryshme apo vrasje me armë, e nxjerr Vlorën nga një “harta e zezë” dhe i jep shkëlqimin e Vlorës së Turizmit. Gjithashtu një menaxhim i mirë është bërë dhe në pjesën detare ku kontrolli i rreptë përgjatë gjithë bregut me mijra masa të ndryshme për mjetet ujore që thyenin perimetrin e sigurisë dhe shkelje të tjera , bëri që turistët të gjenin një qytet ku rregullat zbatohen si çdo qytet turistik Europian” shkruan ndër të tjera gazetari Mehmetaj.
