Ende pa nisur zyrtarisht sezoni i ri, në brigjet e Vlorës të shtunën mbërriti kroçera e parë për këtë vit që solli rreth 400 turistë të huaj. Kroçera “Berlin” mbërriti nga porti i Kotorrit në Mal të Zi.
Përveç qytetit të Vlorës, mësohet se turistët gjermanë do të vizitojnë edhe pikën turistike të Llogarasë, qytetin e Beratit dhe parkun e Apolonisë në Fier.
Më pas udhëtimi i turistëve do të vazhdojë për në Korfuz. (Oranews)
