Dy ekipet që luftojnë për mbijetesë, Vllaznia dhe Teuta, kanë marrë nga tri pikë në ndeshjet e sotme, duke bërë që diferenca prej 1 pike të mos ndryshojë. Kështu, Vllaznia ka mposhtur kryesuesit e Superiores, Skënderbeun, me rezultatin 2-1. Me të nisur ndeshja, Ribaj ka kaluar në avantazh shkodranët.
Miqtë nga Korça kanë barazuar në minutën e 20-të me anë të Sowe. Do të ishte sërish Ribaj që në limitin e pjesës së parë kaluan sërish Vllazninë në avantazh, 2-1.
Në pjesën e dytë Skënderbeu ka luajtur më mirë, por shkodranët kanë mbrojtur me fanatizëm rezultatin.
Në ndeshjen tjetër, Teuta ka vuajtur shumë për të marrë fitoren 1-0. Goli i suksesit është shënuar në minutën e 85-të nga Shkalla. Laçi thyhet pas 3 fitoreve radhazi, por mbetet në vend të tretë.
a.ç
