Vllaznia fluturon në vend të dytë, "fundos" Kukësin në Elbasan

Pas suksesit ndaj Skënderbeut, Vllaznia ka arritur fitoren e dytë rradhazi në këtë kampionat, duke shënuar dy gola ndaj Kukësit në “Elbasan Arena” dhe marrë 3 pikë që janë tepër të rëndësishme përballë ekipit kandidat për titullin kampion.

Një paraqitije cinike e shkodranëve, që pasi kanë kaluar në avantazh në pjesën e parë me super golin e brazilianit Hygor, u barazuan në fillim të pjesës së dytë nga Vasil Shkurtaj. Megjithatë, edhe pse vuajti jashtë mase, skuadra kuqeblu gjeti golin e kapitenin Gilman Lika 10 minuta nga fundi, duke u mbrojtur më pas mjaft mirë dhe siguruar kështu 3 pikë me peshë.

Për Kukësin, humbja e dytë rradhazi pas Teutës dhe një mini-krizë për trajnerin Duro. Vllaznia e gjen veten kështu me 12 pikë, ashtu si Teuta dhe Skënderbeu, por e pozicionuar në vend të dytë të renditjes. Kukësi në vend të shtatë me 10 pikë.