E pabesueshme ajo që ndodh në Shkodër. Vllaznia fiton me përmbysje 3-2 ndaj Flamurtarit në një ndeshje të çmendur. Në “Loro Boriçi” vlonjatët mbyllin pjesën e parë në avantazh falë golit të Bushiç. Kuqeblutë barazojnë me një supergol të Hebaj në minutën e 76-të por më e bukura nuk kishte ardhur ende në këtë takim. Minuta e 90-të dhe Elis Bakaj kalon vendasit në avantazh pas dy tentativave radhazi.
Por ende pa përfunduar mirë festa e shkodranëve Bushiç shënon sërish duke barazuar në 2-2. Ndeshja ishte dramatike dhe në minutën e 93-të Pjeshka shënon golin e fitores dhe këtë herë shkodranët kishin të drejtën legjitime për të festuar trepikëshin.
ma.me
