Nuk do të ketë rikthim në “normalitetin e vjetër” në një të ardhme të afërt si rezultat i vazhdimësisë së pandemisë koronavirus.
Deklarata erdhi nga shefi i Organizatës Botërore të Shëndetësisë. Në një konferencë për shtyp në Gjenevë të Zvicrës, Tedros Adhanom Gebrejesus, paralajmëroi se situata e rëndë që po përjeton bota është ende larg përfundimit dhe bëri thirrje për shtimin e përpjekjeve për kontrollimin e përhapjes.
“Nuk do të ketë kthim në normalitetin e vjetër në një të ardhme të afërt, por ekziston një udhërrëfyes për një situatë të cilën mund të kontrollojmë infeksionin dhe të vazhdojmë jetët tona.
Por kjo kërkon tre gjëra. E para, duhet fokus në reduktimin e vdekshmërisë dhe frenuar përhapjen. E dyta, duhet një komunitet i fuqizuar dhe i angazhuar që ndërmerr sjellje dhe masa individuale në interes të njëri-tjetrit.
Dhe e treta, kemi nevojë për lidership të fortë të qeverive dhe koordinim të strategjive gjithëpërfshirëse”, u shpreh Tedros Adhanom Ghebreyesus, kryetar i OBSH.
Kreu i OBSH shtoi se nuk ka rëndësi se në cilën fazë gjendet kurba pandemike në shtete, pasi nuk është kurrë vonë për të ndërmarrë vendim decizive.
Organizata ndërkombëtare shton se është jashtë reales të mendohet se virusi do të zhduket apo se një vaksinë kundër Covid-19 do të jetë në dispozicion në muajt e ardhshëm. Lajmi i mirë i vetëm është se niveli i vdekshmërisë ka rënë në shumë shtete.
