Kryetarja e Delegacionit të Bashkimit Evropian në Tiranë, Ambasadorja Romana Vlahutin, foli sot pasdite nga Shkodra për rëndësinë e reformës në drejtësi.
Vlahutin theksoi se Kushtettuta është kati më suprem në çdo demokraci, ndërsa gjykatat duhet të japin shembullin e transparencës.
“Kushtetuta është akti suprem në çdo lloj demokracie. Gjykata Kushtetuese dhe Gjykata e Lartë janë më të rëndësishmet. Këto gjykata duhet të japin shembullin e tyre, gjyqtarët të jenë sa më transparentë”, tha Vlahutin.
“Reforma në drejtësi është kyçe për integrimin në BE”, theksoi ambasadorja Vlahutin, ndërsa apeloi se, duhen bërë ndryshime në nivel kushtetues përsa i përket fenomenit të korrupsionit.
Por duke folur për reformën në drejtësi, Vlahutin nënvizoi se, ajo duhet të japë edhe rezultate.
