Gjatë tryezës për konsultimin publik të ndryshimeve ligjore për Reformën në Drejtësi, Ambasadorja e Bashkimit Europian Romana Vlahutin ka thënë se gjyqtarët që kanë në llogaritë e tyre miliona euro, duke patur një rrogë jo më të madhe se 1 500 euro, do të duhet të dalin përpara drejtësisë. Vlahutin theksoi se ligji në Shqipëri duhet të mbrojë qytetarët dhe jo të pasurit.
“Mbështetja e jonë mbi reformën nuk mbështetet tek mendimi se disa gjyqtarë janë më të korruptuar. Gjyqtarët dhe prokurorët janë vektori kryesor i ndryshimeve. Kanë miliona euro pasuri në mënyrë të pashpjegueshme. Ku paga më e madhe e gjyqtarëve është 1 500 euro disa kanë akumuluar miliona euro. Pse ndodh? Për shkak se janë martuar me partnere të pasur apo vijnë nga familje të pasura? Është ky një sistem për të mbrojtur qytetarët apo të pasurit nga ligji. Nëse unë do të isha e martuar me një partner të pasur do të isha e para që do të mbështesja këtë reformë pasi do të doja që pasuria ime të ishte e ligjshme. Procedura e kontrollit është mu në zemër të kësaj reforme. Llogaridhënia duhet të jetë parimi kryesor”, tha Vlahutin.
Sipas Vlahutin, kultura e personmave të paprekshëm duhet të marrë fund me anë të reformës në drejtësi.
“Ju të gjithë jeni të ndërgjegjshëm se nëse Shqipëria dëshiron që një ditë të jetë pjesë e BE-së reforma në drejtësi është një kush i panegociueshëm. Hetime serioze, hetime të rënda dhe dënime në të gjitha nivelet e mundshme. 25 vjet më përpara ju e fituar sërish lirin individuale për të thënë atë që mendonit. Nuk e fituat lirin që të robëroheshit. Nuk ka asnjë person të paprekshëm, ata mbështeten tek kultura e pandëshkueshmërisë”, përfundoi Vlahutin.
Kreu i EURALIUS Deville: Shqipëria vendi më i korruptuar në Europë
Kreu i Misionit të EURALIUS, Rainer Deville ka bërë një deklaratë mjaft të fortë kundrejt Shqipërisë dhe sistemit të saj gjyqësor duke thënë se vendi ynë renditet i pari në Europë përsa i takon korrupsionit.
“Gjyqtarët e prokurorët të justifikojnë milionat. Nëse pini kafe me kriminelë, do të pushoheni nga puna. Prokurorët e gjykatësit do e kenë pagën mbi 2 milionë lekë”, tha Neville.
