Ambasadorja e Bashkimit Europian në Tiranë ka shënuar me vijë të kuqe një datë, në kalendarin e saj personal të punës: 13 majin! Nëmënyrë të përsëritur ajo ka deklaruar se në këtë datë, pra në ditën e sotme, ambasadat kryesore në Tiranë mund të nxjerrin një listë emrash “të sikletshëm” për partitë politike që garojnë në zgjedhjet lokale të 21 qershorit.
Zonja Vlahutin nuk ka specifikuar përse bëhet fjalë, por mesa duket një lëvizje e tillë synon të jetë në vijim të procesit të dekriminalizimit të parlamentit, i cili ka nisur më shumë me fjalë sesa me vepra.
Gjithsesi, perceptimi i mediave është se asgjë spektakolare nuk pritet dhe se e gjitha ka qenë më shumë një presion mbi partitë, sesa një gjest konkret. Megjithatë do të shohim si do të vijojë dita e “shumëpritur” e 13 majit./S.M/
